პოეზია ♥
უცნობი გოგოს ლექსები ))) ნუ აპირებ დამაბრუნო, არაფერი გამოვა, მზეს თუ ერთხელ აწყენინებ აღარასდროს ამოვა! : ))))))
უცნობი გოგოს შესახებ
ის ერთი უბრალო სკოლის მოსწავლეა, რომელიც ბავშვობიდან წერს ლექსებს. სევდიანია… ხშირად იწყენს და შვებას ლექსების წერით პოულობს. გოგოა, თუმცა ფეხბურთი მისი სიცოცხლის აზრია. მას ჰყავს უამრავი მეგობარი, კომუნიკაბელურია და ცლილობს ყველასთან საერთო ენა გამონახოს. როდესაც მასზე ინფორმაციის მიღება გადავწყვიტეთ, მან არ მოინდომა საკუთარ თავზე ბევრი საუბარი, ამიტომ მის ახლო მეგობრებს დავუკავშირდით, რათა მეტი რამ გაგვეგო ნიჭიერ უცნობზე.
გოგონას ერთერთი უახლოესი მეგობარი მას ასე ახასიათებს: ,,ის არის ძალიან მიზანდასახული, რაც აინტერსებს იმას ყოველთვის სიღრმისეულად აკეთებს. უყვარს გერმანია, გერმანული, გერმანელები და რაც მთავარია ფეხბურთი! აქვს გახსნილი გონება და ბევრ რამეს ადვილად ითვისებს. მხიარული და სანდო ადამიანია(სხვა შემთხვევაში ჩემი უახლოესი ადამიანი ვერ გახდებოდა). რაც შეეხება უარყოფით თვისებებს, არაპუნქტუალურია და უყვარს გვიანობამდე ძილი. ეგოისტიც არიც. საერთო ჯამში თავისი პლიუსებით და მინუსებით კარგი ადამიანია და რაც მთავარია ზომიერად უკომპლექსო და კომუნიკაბელური, რაც დიდ როლს თამაშობს იმაში, რომ გახდეს წარმატებული.”
უცნობი გოგოს ჰობი მხოლოდ ლექსების წერა როდია, ის გატაცებულია ფოტოგრაფიით, უყვარს ცნობილ ადამიანებზე ინფორმაციების მოძიება, მოგზაურობა და ა.შ. მისი სუსტი წერტილი ფეხბურთია. ფიქრობს რომ ის სპორტზე მეტია და თავისი ცხოვრება სპორტის ამ სახეობის გარეშე წარმოუდგენელი იქნებოდა. მან ჩვენი დიალოგის ბოლოს ასე განაცხადა: ,,არ მინდა ჩემი ლექსების გამო ვინმეს ცალმხრივად შეყვარებული ან ცხოვრებით უკმაყოფილო ვეგონო, მიყვარს მაგრამ არა ცალმხრივად, ცხოვრებით კმაყოფილი არ ვარ, თუმცა არც უკმაყოფილო. მე ვცხოვრობ დღევანდელი დღის იმედით და არ ვაპირებ დავიტანჯო იმისთვის რაც დღეს ჩემი არ არის.”
|
