Luxury Villa on Cap Ferrat, Côte d’Azur საფრანგეთის სამხრეთ აღმოსავლეთით, კერძოდ – Cap Ferrat–ში, რომელიც 2012 წლის მონაცემით მსოფლიოს მეორე უძვირეს რეზიდენტალურ ტერიტორიად დასახელდა (მონაკოს შემდგომ), განთავსებულია ფუფუნების ვილა – Côte d’Azur–ი. თანამედროვე სტანდარტების შესატყვისი ვილა, არა მხოლოდ მომხიბვლელი ვიზუალით, არამედ მაღალი დონის კომფორტით გამოირჩევა. იგი შესანიშნავ „თავშესაფრად" მოიაზრება მათთვის, ვინც ფუფუნების დასვენების ჭეშმარიტი მაძიებელი და ექსტრავაგანტულ წვეულებათა მოსურნეა. სხვადასხვა დონეებზე არსებულ, კეთიმოწყობილ ტერასებთან უფრო ადვილად დასაკავშირებლად, ვილაში ფუნიკულიორი და ლიფტი ფუნქციონირებს. უზარმაზარი ვიტრაჟებით აღჭურვილი სივრცული ოთახები, საიდანაც 180°–ით მოსჩანს ულამაზესი ლანდშაფტური ზოლი, თანამედროვე ინტერიერის მქონეა და გემოვნებითაა დეკორირებული. ვილა, რომელიც ინტეგრირებული აუდიო–ვიდეო სისტემითაა უზრუნველყოფილი, აღჭურვილია: უზარმაზარი სასტუმრო ოთახით; სასადილო ოთახით; 6 საძინებლით, რომელთაგან ყველას პერსონალური სააბაზანო გააჩნია, ხოლო ერთ–ერთი საძინებელი, კი ორმაგი სააბაზანოთი და საგარდერობე ოთახით გამოირჩევა; თუმცა ვილაში ასევეა ექსტრავაგანტული VIP–საგარდერობე ოთახიც. აღსანიშნავია, რომ ფუფუნების ვილაში არსებულ ყველა ოთახს ამა თუ იმ ტერასაზე პერსონალური გასასვლელი გააჩნია. ვილაში ასევეა: დახურული და ღია აუზი, თურქული აბანო, საუნა, მასაჟის კაბინეტი, თანამედროვე აღჭურვილობით მოწყობილი სატრენაჟორო დარბაზი, ღვინის სანიმუშო საცავი და ყველაზე მთავარი – საგანგებოდ შერჩეული მომსახურე პერსონალი, რომელიც ყველაზე პრეტენზიული სტუმრის ნებისმიერ სურვილს იმგვარად დააკმაყოფილებს, როგორს ეს ფუფუნების მაღალ სტანდარტებს შეესაბამება. The Constance Lemuria Resort in Praslin, Seychelles სეიშელებზე, კერძოდ Praslin–ში, Anse Kerlan–ის თეთრი ქვიშის სანაპირო ზოლზე, განთავსებულია ძალზედ შთამბეჭდავი კურორტი – Constance Lemuria, სადაც სიმყუდროვესა და კომფორტს ჰპოვებთ. ურორტი უზრუნველყოფილია 3 რესტორნით და ბარებით, სადაც მსოფლიოს ნებისმიერი სამზარეულოს კერძებსა და სასმელებს შესთავაზებენ გურმანებს. რაც შეეხება საცხოვრებლებს, იგი სხვადასხვა კატეგორიადაა დაყოფილი, რომელთა შორისაცაა: 88– Junior Suites, 8– Senior Suites, 8 ვილა ხელოვნების ნიმუში – ალუბალი ტორტზე, პრეზიდენტალური ვილა და მცირე ზომის სახლები, რომლებიც სანაპირო ზოლთან 15 მ–ის დაშორებით მდებარეობს და რომლებიც აღჭურვილია მაღალი დონის კომფორტით: DVD–თ, ტელევიზორით, კონდიციონერით და სხვა. ულამაზეს ლანდშაფტურ ზოლში განთავსებული კურორტი აღიარებულია გოლფის მსოფლიო კლასის კორტებით. ადგილმდებარეობა ასევე გამორჩეულია წყლის კუების სიუხვით, სადაც ანკარა წყალში სტუმრებს თავისუფლად შეუძლიათ თვალყური ადევნონ მათ.
