საჭირო მასალა ცომი 125 გრ დარბილებული კარაქი 250 გრ შაქარი 225 გრ ფქვილი 2 კვერცხი 50 გრ კაკაო 250 მლ მდუღარე წყალი მწიკვი მარილი 1 შეკვრა (10 გრ) გამაფხვიერებელი ვანილი კრემი 300 გრ შავი შოკოლადი 175 გრ კარაქი 100 მლ წყალი 30 გრ შაქარი
დასანამად
1 ჭიქა მაგარი ყავა 2 ჩ.კ. კონიაკი
მოსართავად 200 მლ ნაღები (35-38%), ათქვეფილი
მომზადება
ამ ტორტის კრემი, სჯობს, რამდენიმე საათით ადრე ან სულაც წინა საღამოს
მოვამზადოთ, რადგან გასაცივებლად დრო სჭირდება. კრემის ინგრედიენტები
მოვათავსოთ თასში და ორთქლის აბაზანაზე გავადნოთ ისე, რომ ერთგვაროვანი
მასა მივიღოთ. ამისთვის უნდა ავიღოთ ქვაბი, ჩავასხათ მასში ცოტაოდენი წყალი
და დავდგათ ნელ ცეცხლზე. ქვაბს ზემოდან დავადგათ თასი, რომელშიც
ინგრედიენტებია მოთავსებული. წყალი ოდნავ უნდა დუღდეს, ოღონდ თასს არ უნდა
ეხებოდეს. ინგრედიენტები ორთქლზე უნდა გადნეს. მიღებული მასა თავიდან
თხელია, მაგრამ გაცივების შემდეგ გასქელდება. ამიტომ არ გეგონოთ, რომ კრემი
არ გამოგივიდათ.
ადუღებულ წყალში გავხსნათ 100 გრ შაქარი და 50 გრ კაკაო, კარგად მოვურიოთ და დროებით გადავდოთ.
თასში
ავთქვიფოთ ოთახის ტემპერატურაზე დარბილებული კარაქი და დარჩენილი შაქარი
(150 გრ). სათითაოდ შევათქვიფოთ კვერცხები. დავუმატოთ ვანილი, მარილი.
გამაფხვიერებელი შევურიოთ ფქვილს და ნელ-ნელა შევაზილოთ ცომს. ბოლოს
დავასხათ კაკაოს მასა და კარგად ავურიოთ. უნდა მივიღოთ მუქი ყავისფერი,
თხელი ცომი.
საცხობ ფორმას წავუსვათ ცოტაოდენი კარაქი, მოვაფრქვიოთ
ფქვილი და გადავიტანოთ ცომი. ბისკვიტი გამოვაცხოთ წინასწარ 180 გრადუსზე
გახურებულ ღუმელში, 35-40 წუთის განმავლობაში. მზა ბისკვიტს ვაცადოთ კარგად
გაცივება და შუაზე გავჭრათ.
ორივე ფენა დავნამოთ კონიაკიანი ყავით, შუაში წავუსვათ კრემის ნახევარი
