შაკირა ბავშვს ელოდება. ეს სასიხარულო ინფორმაცია მომღერლის მამამ, უილიამ მებარაკმა გაახმოვანა. ამბობენ, რომ ვარსკვლავმა და მისმა შეყვარებულმა, ესპანური კლუბის „ბარსელონას" ფეხბურთელმა ხერარდ პიკემ სახლი სწორედ ორსულობის გამო იყიდეს, რომელიც ქალაქი ბარსელონადან არც ისე შორსაა. ჭორებს თუ ვენდობით, მომღერალი ფეხმძიმობის მეორე თვეში უნდა იყოს, მაგრამ ოფიციალური განცხადების გაკეთებას ჯერ არ ჩქარობს.
წყვილი ერთად არაჩვეულებრივად გამოიყურება, მიუხედავად იმისა, რომ შაკირა ფეხბურთელზე 10 წლით უფროსია. პირველი ცნობა, იმის შესახებ, რომ ვარსკვლავი შესაძლოა ორსულად არის, ევრო 2012-ის ჩემპიონატის დაწყების შემდეგ გავრცელდა. მომღერალი პოლონეთში ჩაფრინდა, რომ შეყვარებულისთვის პირდაპირ სტადიონის ტრიბუნიდან ეგულშემატკივრა.შაკირა სხეულის ფორმების დასაფარად, თავისუფალ სამოსს უკვე მაშინ ატარებდა.
