ხშირ შემთხვევაში საყვარელი ადამიანისთვის საჩუქრის შერჩევა უფრო რთულია, ვიდრე ახლადგაცნობილისათვის. იმიტომ, რომ ვინც გიყვართ, განსაკუთრებით დედა, გსურთ იპოვოთ საჩუქრის რაც შეიძლება უკეთესი ვარიანტი. მნიშვნელოვანია, რომ საჩუქარი იყოს არა მარტო ფასეული, არამედ მოსაწონიც. მიუხედავად იმისა, რომ საყვარელ დედას გაუხარდება ნებისმიერი საჩუქარი, რომელსაც მიიღებს შვილებისგან, სასურველია შეირჩეს მისთვის სასურველი და გამოსადეგი საჩუქარი.
თუ თქვენს ხელთ არსებული ფული ცოტაა, ან ის საერთოდ არ გაქვთ, შეგიძლიათ საკმაოდ ორიგინალური საჩუქრის საკუთარი ხელებით დამზადება. მაგალითად, ვარდის გამხმარი ფურცლებით, ლენტებით ან ბრჭყვიალებით გაწყობილი გზავნილი. თუ გაქვთ Hand Made-ის გამოცდილება, სასურველი იქნება საკუთარი ხელით გაკეთებული სურნელოვანი სანთლები. თუ რაღაცის გაკეთება არ გამოგივათ საკუთარი ხელით, მაშინ ხელნაკეთი სუვენირების შეძენას შეძლებთ სპეციალურ მაღაზიებში, რომლებსაც თითქმის ყველა სავაჭრო ცენტრში შეხვდებით.
ითვლება, რომ ქალს უნდა მიართვათ ის, რასაც თავად არასდროს იყიდდა. ჩვეულებრივ დედები ეკონომიას აკეთებენ სალონის პროცედურებზე. ამიტომაც სასიამოვნო მოულოდნელობად შეიძლება გახდეს სილამაზის ან სპა სალონის სასაჩუქრე ბარათი. მოხერხებულობა იმაშია, რომ თქვენ ჩუქნით გარკვეულ თანხას სასაჩუქრე ექვივალენტით. ხოლო სალონში კი თვითონ დედა შეარჩევს, თუ რომელ პროცედურის ჩასატარებლად სურს მისი გამოყენება.
აჩუქეთ დედას ის, რაც დაკავშირებულია მის ჰობისთან. თუ ის გატაცებულია ცხობით, მაშინ მოეწონება მოდური კულინარიული წიგნი. თუ უვლის ყვავილებს, გააოცეთ იგი იშვიათი ქოთნის მცენარით. ბევრი ქალს ახარებს ყოველდღიურობისგან დასვენება და გარემოს შეცვლა, ასეთ შემთხვევაში კი კარგი საჩუქარი იქნება თეატრის, კინოს ან კონცერტის ბილეთები.
რომელი საჩუქრის მირთმევაც არ უნდა დააპიროთ, სასიამოვნო დანამატის სახით მაინც უყიდეთ ყვავილები. ნებისმიერ ქალს გაუხარდება საჩუქრის ასეთი სახით მი
ღება. თუ თქვენ არ გახსოვთ რა უყვარს დედას, რჩევა ჰკითხეთ ყვავილების მაღაზიის კონსულტანტს. ითვლება, რომ კლასიკური არჩევანი ქალებისათვის არის - წითელი, თეთრი ან ბორდოსფერი ვარდები.
დედა
დედა-ეს არის ის პიროვნება,
რომელოც ცხრა თვე მუცლით გვატარებს
დაბადებიდან აკვანში გვარწევს ,
და იავნანას გვიმღერის მუდამ...
გასწავლის როგორ უნდა იარო,
როგორ თქვა დედა,როგორ თქვა მამა
გამშვიდებს მაშინ როდესაც ტირი,
გიხვევს ეზოში ნატკენ იარებს...
როცა ვიზრდებით, ვიხსენებთ ამას
გვინდა დაბრუნდეს ბავშვობის წლები,
ჩავეხუტებით, გულში ჩავიკრავთ
და ვიგრძნობთ სითბოს, მის დიდ სიყვარულს...
კვლავ გავა წლები
ჩვენ თვალს გავახელთ,
ვერ ვიგრძნობთ სითბოს, წარსულ სიყვარულს
მიმოიხედავ შენ აქეთ-იქით
და დაინახავ შავები ჩაცმულს...
ეს შენ ხარ, გლოვობ საყვარელ დედას
გინდა დაბრუნდეს ბავშვობის წლები,
ტკბილად ნამღერი იავ-ნანა და
თბილი აკვანი, მისი ხელები...
