როჩესტერში, მინესოტაში მდებარე მაიოს კლინიკის მკვლევარებმა კვლევა ჩაატარეს, რომელმაც დაამტკიცა, რომ ცოტა ძილი გაძიერებულ კვებას ”ითხოვს”.
მეცნიერები 17 ჯანმრთელ ქალსა და მამაკაცს რვა ღამის განმავლობაში აკვირდებოდნენ. ჯგუფი ორ ნაწილად დაყვეს. ერთ ნაწილს ნორმალურად გამოძინების საშუალება მისცეს, ხოლო მეორეს – ნაკლები ეძინა. ექსპერიმენტის მონაწილეები იმდენს ჭამდნენ, რამდენიც მოესურვებოდათ.
"ჩვენ შევამოწმეთ, მართლა ახდენს თუ არა უძილობა გავლენას ჰორმონების, კონკრეტულად კი ლეპტინისა და გრეილინის დონის ცვლილებაზე. ეს ჰორმონები მადაზე არიან პასუხისმგებელნი. ექსპერიმენტის მონაწილეები უძილობით დაკარგულ ენერგიას საჭმლით ინაზღაურებდნენ”, – განაცხადა პროექტის ავტორმა და მაიოს კლინიკის პროფესორმა ვირენდ სომერსმა.
ექსპერიმენტის ბოლოს აღმოჩნდა, რომ იმ ჯგუფის წევრები, რომელსაც ნაკლები ეძინა, ყოველდღიურად 549 კალორიით მეტს იღებენ, ვიდრე "გამოძინებულთა” ჯგუფი.
