კრისტენი ერთადერთი არაა, ვინც საკუთარი ლოტი გამოიტანა. მსახიობი სუზან სარანდონი თაყვანისმცემლებს მაგიდის ჩოგბურთის სათამაშოდ ეპატიჟება. აუქციონის ყველაზე ძვირაღირებულ ლოტად პოლ მაკარტნის, ბრიუს სპრინგსტინის, კრის მარტინისა და ერიკ კლეპტონის ავტოგრაფებიანი გიტარა რჩება. ამჟამად ის 41,100 დოლარი ღირს.
კეტი ჰოლმსი საახალწლოდ ქალიშვილს 24 000 დოლარიან სახლს აჩუქებს
კეტი ჰოლმსი ქალიშვილისთვის, სური კრუზისთვის გრანდიოზულ საახალწლო საჩუქარს ამზადებს. მსახიობმა გოგონას რამდენიმე სიურპრიზი მოუწყო, თუმცა მთავარი საჩუქარი - 24 000 დოლარიანი სათამაშო სახლია,
რომელიც მხოლოდ ზომებით თუ განსხვავდება რეალურისგან. ინტერნეტში სახლის ფოტოებიც გავრცელდა.
სახლის დიზაინი ვიქტორიანულ სტილშია გადაწყვეტილი და მასში ყველა პირობაა საცხოვრებლად. სური კრუზის პირველ საკუთარ სახლში განთავსებულია სამზარეულო, საძინებელი, სააბაზანო და სათამაშოების სათავსო. გარდა ამისა სახლს ელექტროენერგიის და წყლის საკუთარი
გაყვანილობა აქვს.
სამწუხაროდ კეტი ჰოლმსი ნიუ-იორკში, ბინაში ცხოვრობს და ეზო არ აქვს. სად განთავსდება სურის ახალი გასართობი ჯერ უცნობია.
ანჯელინა ჯოლი თავის მეორე ფილმს იღებს
ანჯელინა ჯოლი კომპანია Universal Pictures-თან მოლაპარაკებებს აწარმოებს. 37 წლის მსახიობი ლუის ზამპერინის ისტორიის ეკრანიზაციაზე მუშაობს. მოლაპარაკებები ბოლო სტადიაზეა. ფილმს "უტეხი" ერქმევა. ის 1936 წლის ოლიმპიური თამაშების მონაწილე, სპორტსმენ ლუის ზამპერინზე მოგვითხრობს, რომელიც მეორე მსოფლიო ომის დროს ტყვედ ჩავარდა და ტყვეობას თავი ცოცხალმა დააღწია.
ინტერესი ლუის ზამპერინის მიმართ, ლორა ჰელენბერდის ახლადგამოსულმა დოკუმენტურმა რომანმა განაახლა. წიგნის წაკითხვის შემდეგ ჯოლის მისი ეკრანიზების იდეა გაუჩნდა:
"წავიკითხე ეს შესანიშნავი წიგნი - ნამდვილად გულში ჩამწვდა ლუის ზამპერინის გმირული ისტორია. იმ წამსვე დავიწყე ბრძოლა ამ ფილმის
გადაღებაზე უფლების მოსაპოვებლად. ლუისი ნამდვილი გმირია, გამბედაობის და შეურყეველი რწმენის მაგალითი. ჩემთვის პატივია მისი ამაღელვებელი და შთამაგონებელი ისტორიის ეკრანიზაციაზე მუშაობა", - აღნიშნა ანჯელინა ჯოლიმ.
ეს ფილმი მსახიობისთვის მეორე სარეჟისორო ნამუშევარი იქნება. გასულ წელს ეკრანებზე დრამა "სისხლისა და თაფლის ქვეყანაში" გამოვიდა, რომელიც 1992-1995 ომის წლებში ბოსნიელისა და სერბის სიყვარულის ისტორიაზე მოგვითხრობს.
აღსანიშნავია, რომ ჯოლის ახალ ფილმს ისტორიის მთავარი გმირიც შეაფასებს. ის ახლა 95 წლისაა.
Marri-da-GabbY
