დასახელდა კინოისტორიის მანძილზე გადაღებული, ყველაზე ცუდი ფილმები

გამოკითხვის შედეგად, რომელიც საიტმა rifftrax-მა ჩაატარა, გამოვლინდა 25 ყველაზე ცუდი ფილმი, მთელი კინოისტორიის მანძილზე. გამოკითხვაში მონაწილეობა მიიღო 500 000-მა ადამიანმა. პირველ ადგილზე, რაც არ უნდა გასაკვირი იყოს ეს, გავიდა კინოსერიალი ”ბინდი” (35 539 ხმა).

მეორე ადგილზე გაივდა კინოკომიქსი - ”ბეთმენი და რობინი” (27 929 ხმა), მესამეზე აღმოჩნდა ”ქალი-კატა” (22 544 ხმა). ”ადამიანი-ობობა 3: მტრის სახე ” (19 152 ხმა) მე-4 ადგილზე გავიდა, ხოლო ხუთეული შეავსო ფილმმა - ”სტიქიის მბძანებელი” (18 056 ხმა). პირველ ათეულში ასევე მოხვდნენ კინოსურათები - ”სუპერძმები მარიო”, ”ბრძოლის ველი - დედამიწა”, ”ასე განსხვავებული ტყუპები”, ”ნიღაბის შვილი” და ”ტრანსფორმერები: დაცემულთა შურისძიება”.

საინტერესოა, რომ მე-13 ადგილი დაიკავა ჯორჯ ლუკასის ბლოკბასტერმა ”ვარსკვლავური ომები; ეპიზოდი 1 - ფარული მუქარა”, მე-15 ადგილი - სტივენ სპილბერგის სათავგადასავლო ბოევიკმა - ”ინდიანა ჯონსი და ბროლის ჩონჩხის სამეფო ” , მე-16 ადგილზე გავიდა ბრეტ რატნერის ჰიტი ”ადამიანები იქსი: ბოლო ბრძოლა”, მე-18 ადგილი წილად ხვდა ნაით შამალანის ფილმს - ”გამოცხადება”, მე-20 ადგილზე არის მაიკ ბეის ფანტასტიკური თრილერი - ”ტრანსფორმერები 3: მთვარის ბნელი მხარე”.