როდის გამოვა "Snow White and the Huntsman"-ის გაგრძელება?!
Kristen Stewart-ის თაყვანისმცემლებო მოემზადეთ - "Snow White and the Huntsman" გადასაღებ მოედანს უბრუნდება. ალბათ ხვდებით, რომ საუბარია გასული წლის ერთ-ერთ ყველაზე პოპულარული ფილმის მეორე ნაწილზე.
Universal Pictures-მა უკვე დაადასტურა ინფორმაცია იმის შესახებ, რომ "Snow White and the Huntsman 2" 2015 წელს გამოვა. ასევე ცნობილი გახდა, რომ Kristen Stewart-ი და Chris Hemsworth-ი ისევ იქნებიან ფილმში. თუმცა ”Thor”-ის ვარსკვლავს აღნიშნული ინფორმაცია არ დაუდასტურებია.
ფილმის მეორე ნაწილისთვის სცენარს David Koepp-ი შექმნის. სწორედ მას ეკუთვნის ისეთი გახმაურებული ფილმის სცენარები, როგორებიცაა ”Spider-Man” 2002 წელს და ”Indiana Jones and the Kingdom of the Crystal Skull” 2008-ში.
შეგახსენებთ, რომ Kristen Stewart-სა და ” Snow White and the Huntsman”-ის პირველი ნაწილის რეჟისორ Rupert Sanders-ს შორის გაჩაღებული სასიყვარულო ურთიერთობების შემდეგ, რის გამოც ”Twilight Saga”-ს ვარსკვლავური წყვილის რომანი დასრულდა, უცნობი გახდა თუ ვინ შეასრულებდა ფიფქიას როლს.
თუმცა ყველაფერი სხვაგვარად მოხდა, Sanders-მა უარი თქვა პროექტში მონაწილეობაზე. შესაბამისად ჯერჯერობით უცნობია თუ ვინ იქნება "Snow White and the Huntsman 2"-ის რეჟისორი.
