♞ენ ჰეთევეიმ საცვლებთან დაკავშირებულ♞ ♞ინციდენტზე კომენტარი გააკეთა♞ ენ ჰეთევეიმ უხერხულ ფოტოებთან დაკავშირებით კომენტარი გააკეთა. წინა კვირას მუზიკლ "საბრალონის" პრემიერაზე მსახიობი ტრუსების გარეშე გამოჩნდა. სკანდალური ფოტოები მას პაპარაცებმა მანქანიდან გადმოსვლის დროს გადაუღეს.
"მანქანიდან გადმოვდიოდი და ჩემი კაბა ისეთი ვიწრო იყო... ვერაფერი გავიგე, სანამ ფოტოები არ ვნახე. მათ ყველაფერი დაინახეს! ასეთივე წარმატებით შემეძლო პაპარაცების წინაშე კაბა უბრალოდ შემომეხია", - განაცხადა ვარსკვლავმა Daily News-თან საუბრისას.
სკანდალური ფოტოების გამოქვეყნების შემდეგ ენი მალევე ესტუმრა თოქ-შოუ Today-ს, სადაც ამ თემაზე საუბარი მოუწია.
"ფაქტია, რომ ეს უსიამოვნო ინციდენტი იყო. ამ ამბავმა დასამწუხრებლად ერთდროულად ორი მიზეზი მომცა. პირველ ყოვლისა, საწყენია - ისეთ დროში ვცხოვრობთ, რომ ადამიანს შეიძლება ასეთ დაუცველ მდგომარეობაში გადაუღონ ფოტო და იმის ნაცვლად, რომ წაშალონ, ამით ფულს აკეთებენ. მეორეს მხრივ, კი საწყენია, რომ ხალხი ისეთ ადამიანს თვლის სექსუალურად, რომელსაც ეს საერთოდ არ სურს", - აღნიშნა მსახიობმა.
ენ ჰეთევეი ტრუსების გარეშე მიუზიკლ "საბრალონის" პრემიერაზე მივიდა.
♫ჯენიფერ ენისტონი ავადმყოფ დედას არ ნახულობს♫ მსახიობ ჯენიფერ ენისტონის და მისი დედის, ნენსი დოუს ურთიერთობა რამდენიმე წელია დაძაბულია. ჯენიფერი იმდენადაა ნაწყენი დედაზე, რომ 76 წლის ნენსი საავადმყოფოშიც კი არ მოინახულა.
ნენსი საავადმყოფოში ჯერ კიდევ 6 ნოემბერს, მას შემდეგ დააწვინეს, რაც მხარი მოიტეხა. დოუს ოპერაცია დასჭირდა. ნარკოზში ყოფნის დროს მას ინსულტი დაემართა და ახლა საკმაოდ მძიმე მდგომარეობაშია, თუმცა ჯენიფერს არც ამან მოულბო გული.
როგორც წყარო იუწყება, 6 ნოემბრიდან დღემდე ენისტონს არცერთხელ არ მოუნახულებია ავადმყოფი დედა.
"ჯენიფერს არც უსაუბრია ნენსისთან და არც უნახავს ის. ნენსი უკვე მოხუცია, მისი მდგომარეობა არაა სტაბილური, ხოლო ფაქტი, რომ შვილმა დაივიწყა, დედას გულს სტკენს", - აცხადებს წყარო.
ნენსის გულზე პრობლემები გასულ წელსაც ჰქონდა. მაშინ ჯენიფერმა დედა საქმროსთან, ჯასტინ ტერუსთან ერთად მოინახულა და როგორც თვითმხილველები აცხადებენ, დედის მდგომარეობამ ვარსკვლავი ცრემლებამდეც კი მიიყვანა.
ნენსიმ და ჯენიფერმა 1999 წელს იჩხუბეს. კონფლიქტის მიზეზი ვარსკვლავის დედის გულახდილი ინტერვიუ და ავტობიოგრაფიული წიგნია.
მოგვიანებით ჯენიფერმა განაცხადა, რომ კონფლიქტი ამოწურულია, თუმცა ენისტონმა ნენსი ქორწილში მაინც არ მიიწვია.
ვარსკვლავის მშობელი ამ დრომდე საავადმყოფოში რჩება, ხოლო ენისტონი კარიერულ წინსვლას განაგრძობს. მადამ ტუსოს მუზეუმში მსახიობის მორიგი ცვილის ფიგურა განათავსეს. ჯენიფერის ახალი ორეული წინამორბედებისგან განსხვავდება. ამჯერად ცვილის ფიგურას ხელზე იმ ნიშნობის ბეჭდის ანალოგი უკეთია, რომელიც ჯასტინ ტერუმ ჯენიფერს უსახსოვრა. ჯენიფერი ბრილიანტის თვლით შემკულ ნიშნობის ბეჭედს ღამითაც კი არ იხსნის.
დაამოწმა:queen❤mariamo
| 
