ადრიანა 13 წლის იყო, როდესაც ის და მისი მეგობარი ერთ-ერთი სამოდელო სააგენტოს თანამშრომელმა სავაჭრო ცენტრში შეამჩნია. მომავალი მოდელი საყიდლებზე იყო იქ. ადრიანამ სამოდელო სფეროში ქასთინგზე უარი არ განაცხადა და სულ მალე გახდა „ფორდ სუპერმოდელ ბრაზილიის" კონკურსის გამარჯვებული. ცოტა ხანში „ფორდის" ბრაზილიის ბიურომ მასთან პირველი პროფესიული კონტრაქტი გააფორმა. იმავე წელს ადრიანამ მეორე ადგილი დაიკავა კონკურსში – „ფორდ სუპერმოდელი", რომელიც ამჯერად მთელი მსოფლიოს მასშტაბით ტარდებოდა. 18 წლის ასაკში ადრიანა ნიუ–იორკში მიიწვიეს, სადაც მან „ელიტ მოდელ მენეჯმენტთან" გააფორმა კონტრაქტი. ამას მოჰყვა უამრავი ფოტოსესია წამყვანი პრიალა ჟურნალებისთვის. საერთო ჯამში, ადრიანა ლიმა 13 ჟურნალის ყდაზე მოხვდა, მათ შორის ისეთი ჟურნალების გარეკანებზე, როგორებიცაა „Marie Claire" და „Vogue". იმავე პერიოდში მისი დებიუტი შედგა უმაღლესი დონის ჩვენებებზე. პოდიუმზე ის „Christian Lacroix–ს", „Fendi–ის", „ Emanuel Ungaro–ს", „Giorgio Armani–ს", „Valentino–ს" და კიდევ უამრავი სხვა ცნობილი სამოდელო სახლის ტანისამოსით გამოდიოდა. ნამდვილი მსოფლიო აღიარება კი მას სარეკლამო ბანერმა მოუტანა, რომელიც ნიუ-იორკში, თაიმ-სქვერზე იყო გამოფენილი და რომელშიც ადრიანა ლიმა რეკლამას უკეთებდა ბრენდ „ვაზარეტოს". 2000 წელს ადრიანამ ხელი მოაწერა კონტრაქტს „Guess" და ჯინსის ნაწარმის რეკლამირებას შეუდგა. ხოლო ნამდვილი სუპერპოპულარობა და მრავალმილიონიანი შემოსავალი ლიმას „Victoria's Secret–თან" გაფორმებულმა ხელშეკრულებამ მოუტანა. ამ ურთიერთობის საფუძველზე, ადრიანა ლიმა პლანეტის ერთ-ერთ ყველაზე მაღალანაზღაურებად მოდელად იქცა.

2001 წელს შედგა ადრიანას დებიუტი დიდ ეკრანზე. განთქმული ჩინელი რეჟისორის ვონგ კარ ვაის მიერ გადაღებულ მოკლემეტრაჟიან ფილმში „მძღოლი – თვალყურის დევნება",„BMW-ს" დაკვეთით იყო გადაღებული, ადრიანა ლიმამ, ჰოლივუდის ვარსკვლავებთან – კლაივ ოუენთან და მიკი რურკთან ერთად ითამაშა. გარდა ამისა, მან მონაწილეობა მიიღო „Victoria's Secret–ის" ცნობილ რეკლამაში, სადაც მას პარტნიორობას ლეგენდარული მუსიკოსი ბობ დილანი უწევდა. სარეკლამო რგოლში, ზურგზე მიმაგრებული ფრთებით და ქვედა საცვლებით ადრიანა ლიმა ვენეციის ქუჩებში სეირნობდა – მაშინ მსოფლიო პრესაში დაიწერა რომ, ასეთი რეკლამის დავიწყება თითქმის შეუძლებელია.

სხვადასხვა პერიოდში ადრიანა ლიმა ხვდებოდა მომღერალ ლენი კრავიცს, ავსტრიის პრინცს ჰანს-ადამ ლიხტენშტაინ მეორეს, ლიბანელ ფლეიბოის ჯიმი ტრაბულსის. პამელა ანდერსონის ყოფილმა ქმარმა ტომი ლიმ კი ფიცი დადო, რომ მანამ ადრიანა ლიმა მისი არ გახდებოდა, უარს აცხადებდა სხვა ქალებთან ურთიერთობაზე,თუმცა ადრიანა უარს აცხადებდა სექსზე ქორწინებამდე. ტომისთვის სამწუხაროდ, ადრიანამ მისი ფიცი არაფრად ჩააგდო და განაცხადა, რომ არ აპირებს სკანდალურ პირებთან რამე სახის ურთიერთობის წამოწყებას. სხვათა შორის იყო მცდელობა, რომ ადრიანა ჩაერიათ სექს-სკანდალში. რამდენიმე წლის წინათ ინტერნეტში გავრცელდა ვიდეოჩანაწერი, სადაც ადრიანას მიმსგავსებული ქალბატონი და უცნობი მამაკაცი სექსით იყვნენ დაკავებული. ფირზე აღბეჭდილი ქალი ძალიან ჰგავდა ლიმას და ამასთან დაკავშირებით ტოპ-მოდელს ახსნა განმარტებების მიცემა დასჭირდა, რომ ეს ვიდეო მხოლოდ და მხოლოდ მისი დისკრედიტაციისთვის იყო გამიზნული.

2009 წლის 14 თებერვალს ლიმამ საიდუმლო ვითარებაში ჯვარი დაიწერა სერბ კალათბურთელზე მარკო იარიჩზე. წყვილი 2006 წლიდან ხვდებოდა ერთმანეთს და ახლა უკვე შვილიც ჰყავთ.ლიმას და მარკოს 2009 წლის 15 ნოემბერს შეეძინათ გოგონა ვალენტინა ლიმა იარიჩი, ხოლო 2012 წლის 12 სექტემბერს წყვილს მეორე გოგონა შეეძინა-სიენა ლიმა იარიჩი.

27 წლამდე, გათხოვებამდე  ადრიანა ლიმა ქალიშვილი იყო. აღსანიშნავია ის ფაქტი, რომ ადრიანასა და მის მეუღლეს შვილი ზუსტად  ქორწინების 9 თვის თავზე შეეძინათ.

ადრიანას საყვარელი ტელეშოუებია: «The Simple life», «Deadwood, Family Guy», «American dad», «American Idol», «Pop Idol», «So you think you can dance».

მომავალი მოდელი სამოდელო სააგენტოს წარმომადგენლებმა მაღაზიაში შენიშნეს, როცა ის სულ რაღაც  13 წლის იყო .

ლიმა მსოფლიოს წამყვანი ფოტოგრაფის ელენ ფონ უნვერტის მუზა და საყვარელი მოდელია. ქვემოთ მოყვანილი ფოტო  სწორედ ელენის გადაღებულია.

ადრიანას არ ჰყავს არც ძმები, არც დები. ის ერთადერთი შვილია

2003 წელს ადრიანას წილად ხვდა ნებისმიერი მოდელის სანუკვარი ოცნება. Victoria’s Secret-ის შოუს გახსნა.

2002 წელს მოდელი მუსიკოს ლენი კრავიჩზე იყო დანიშნული.

ადრიანას აქვს აფრიკული, ინდური, შვეიცარული და ინდიელების ფესვებიც კი

ჯერ კიდევ პატარაობისას ადრიანა ამბობდა, რომ თუ ცხოვრებაში წარმატებას მიაღწევდა, აუცილებლად დაეხმარებოდა უსახლკარო ბავშვებს.

ადრიანა ცნობილია როგორც რელიგიური მოდელი. მას მოგზაურობისას ყოველთვის თან დააქვს ბიბლია. ბავშვობაში მას მონაზვნობაც კი სურდა. ის ეკლესიაში ყოველ კვირას დადის.

ბავშვობაში ადრიანა ძალიან მორცხვი და გულჩათხრობილი იყო. მან ბიჭს პირველად 17 წლის ასაკში აკოცა.

ადრიანას საყვარელი სამზარეულო იაპონურია. ის ხშირად დადის იაპონურ რესტორნებში. ბრაზილიელ მოდელს არ უყვარს ხმაურიანი ცხოვრება და კლუბებში სიარულს სახლში განმარტოება ურჩევვნია.

ადრიანას საუკეთესო მეგობარი არის   Victoria’s Secret-ის კიდევ ერთი ”ანგელოზი” დოუცენ კრუსი. მოდელებმა ერთმანეთი სწორედ VS-ის დახმარებით გაიცნეს.

ადრიანას ტრადიციად აქვს ქცეული შვებულების აგვისტოს თვეში აღება.