მუსიკალური დაჯილდოება "მეგას" ცერემონია უკვე მეცამეტედ გაიმართა. გასულ წლებთან შედარებით, წლევანდელი ღონისძიება ნაკლებად პომპეზური იყო, თუმცა ნომინაციები და შოუ-ბიზნესის წარმომადგენლები ცერემონიას არ დაჰკლებია. "მეგას" დამფუძნებლის, ბესო ჩუბინიძის განცხადებით, დაჯილდოება მომღერლებს სტიმულს აძლევს მთელი წლის განმავლობაში შექმნილი რეპერტუარი საზოგადოებამ კიდევ ერთხელ შეაფასოს და საუკეთესო სიმღერა, მუსიკალური პროექტი და მომღერალი დაჯილდოვდეს. წლევანდელ დაჯილდოებაზე ბერა ივანიშვილს სამ ნომინაციაში მიენიჭა "მეგას" ჯილდო. ყურადღების მიღმა არ დარჩენილან თემურ თათარაშვილი, თემურ წიკლაური, ეკა კვალიაშვილი, ჯგუფი "ფორტე" და სხვები. "ფორტეს" ერთ-ერთი წევრი ზურა მანჯავიძე დაჯილდოების ცერემონიალზე ხელჯოხით მივიდა, რადგან ფეხი წინა დღით, თემურ თათარაშვილის პატივსაცემად გამართულ ბანკეტზე ცეკვის დროს დაიზიანა. კულტურისა და შოუბიზნესის აქტიური გაშუქებისთვის სპეციალური დიპლომი "ინტერპრესნიუსის", რადიო ”პალიტრას”, ”პალიტრა.ტვ”-სა და ”ამბები-გე”-ს ჟურნალისტმა მიიღო. გამარჯვებულებმა განაცხადეს, მუსიკალური დაჯილდოება მნიშვნელოვანი მოვლენაა ყველა მომღერლისთვის, რაც მათ სტიმულს აძლევს, ხარისხიანი პროდუქცია შექმნან და მათი შემოქმედება წლის ბოლოს, ტრადიციულ დაჯილდოებაზე დაფასდეს.
2012 წელი ენ ჰეთევეისთვის საკმაოდ დატვირთული და წარმატებული აღმოჩნდა. მსახიობი ადამ შულმანს გაჰყვა ცოლად, რადიკალურად შეიცვალა იმიჯი, მიიღო "ოქროს გლობუსის" ნომინაცია, უწინასწარმეტყველებენ "ოსკარის" მიღებას ფილმისთვის ”საბრალონი”, თუმცა როგორც ჩანს, ეს ყველაფერი არაა. 30 წლის მსახიობი მომავალ წელს დედა გახდება. ახლა, როდესაც მის კარიერაში ყველაფერი კარგადაა, ენ ჰეთევეი შვილის გაჩენაზე სერიოზულად დაფიქრდა. "ალკოჰოლს აღარ იღებს და ყველგან საბავშვო ოთახის დეკორაციებზე საუბრობს. შვილიან მეგობრებს საუკეთესო პედიატრების ნომრებს ეკითხება. ის და ადამი პირდაპირ ბრწყინავენ ბედნიერებისგან. შვილი სავარაუდოდ მომავალი წლის ზაფხულში ეყოლებათ" - აცხადებს წყარო.
-NiniKunna
| 
