მთავარი » 2012 » აგვისტო » 22 » ლედი გაგამ საკუთარი თაყვანისმცემლებისთვის კონკურსი გამოაცხადა
10:24 AM
ლედი გაგამ საკუთარი თაყვანისმცემლებისთვის კონკურსი გამოაცხადა
ეპატაჟურმა მომღერლმა, ლედი გაგამ საკუთარი თაყვანისმცემლებისთვის კონკურსი გამოაცხადა. კონკურსის გამარჯვებული გაგას ახალი ვიდეოკლიპის რეჟისორი გახდება. მომღერლის თქმით, კლიპში ასევე მისი თაყვანისმცემლები მიიღებენ მონაწილეობას. ვიდეორგოლს გაგას ახალი ალბომიდან ერთ-ერთი სიმღერისთვის გადაიღებენ. კონკურსი სპეციალურად გაგას ფანებისთვის შექმნილ სოც-ქსელში LittleMonsters გამოცხადდა. კონკურსის პირობების თანახმად, ყველა მონაწილემ უნდა მოამზადოს ვიდეოჩანაწერი, სადაც გაგას ახალი კლიპისთვის ორიგინალური იდეები იქნება გამოთქმული. ჩანაწერი თაყვანისმცემლის ხედვას უნდა ასახავდეს. ჩანაწერებიდან საუკეთესოს თავად მომღერალი შეარჩევს და მის ავტორს საკუთარი კლიპის გადაღებას მიანდობს. ბოლო კლიპი გაგამ 7 თვის წინ კომპოზიცია Marry The Night-ისთვის გადაიღო.
