♡კრისტენ სტიუარტი რობერტ პატინსონისგან შვილს ელოდება?♡
ჰოლივუდის ახალგაზრდა ვარსკვლავები, რობერტ პატინსონი და კრისტენ სტიუარტი, ეკრანზე უკვე გახდნენ მშობლები, თუმცა ამჯერად საქმე რეალურ ცხოვრებას ეხება. გავრცელებული ინფორმაციით, კრისტენი რობერტისგან ბავშვს ელოდება. ამბობენ, რომ სიახლე "ბინდის" პროდუსერთა სატყუარაა და ის ფილმის მიმართ ინტერესის გაზრდას ისახავს მიზნად.
კრისტენის ფეხმძიმობის შესახებ ინფორმაციას ჟურნალი ОК! ავრცელებს. რამდენიმე თვის წინ კი ყვითელი პრესა სტიუარტის ღალატის შესახებ წერდა, რაც წყვილის დაშორების მიზეზი გახდა. ისინი სექტემბერში შერიგდნენ.
ჟურნალი ასევე იტყობინება, რომ რობერტი და კრისტენი უკვე საბავშვო ოთახს აწყობენ და შვილის გაზრდას დიდ ბრიტანეთში აპირებენ. პატინსონი ინგლისელია. ამერიკელ კრისტენს კი მიაჩნია, რომ ბავშვის გაზრდა ევროპაში, განსაკუთრებით კი ინგლისში, უმჯობესია.
როგორც ბრიტანული ტაბლოიდი The Sun წერს, 26 წლის პატინსონს დედა თხოვს, რომ სტიუარტზე მალე დაქორწინდეს - კონსერვატორ დედამთილს სურს, რომ კრისტენმა შვილი კანონიერი მეუღლის სტატუსით გააჩინოს.
