როგორც ჩანს Chris Brown-ს ჩვევად აქვს ყოფილ შეყვარებულებთან მიბრუნება და ყველაფრის თავიდან დაწყება. Rihanna-სთან მრავაჯერ გაყრისა და შერიგების შემდეგ რეპერმა გადაწყვიტა ღრმა წარსულში ეპოვნა ცხოვრების მეგზური. თუკი Chris-ის ცხოვრებას გასული წლების მანძილზე თვალს ადევნებდით, მაშინ არც Karrueche Tran-ის სახელი და გვარი იქნება თქვენთვის უცნობი. წყვილის ურთიერთობა ჯერ კიდევ 2011 წელს იღებს სათავეს. ისინი 2012 წლის ოქტომბრამდე ხვდებოდნენ ერთმანეთს, შემდეგ კი მათ შორის შავმა კატამ ჩაირბინა. თუმცა ცოტა ხნსი წინ მათი გზები კვლავ გადაიკვეთა და როგორც ჩანს Karrueche-მ და Chris-მა გადაწყვიტეს კიდევ ერთხელ გადაემოწმებინათ ძველი გრძნობები. პაპარაცებმა ისინი ერთად არაერთხელ დააფიქსირეს. გასული დღიდან მოყოლებული კი აქტიურად წერს პრესა მათი ხელახალი რომანის შესახებ. ჯერჯერობით წყვილს ამ საკითხთან დაკავშირებით კომენტარი არ გაუკეთებია. თუმცა თუ აღმოჩნდება, რომ Chris Brown-ი და Karrueche Tran-ი მართლაც ერთად არიან, მაშინ იმედი ვიქონიოთ, რომ ისეთივე დამღლელი და მოსაბეზრებელი არ იქნება, როგორც ეს Rihanna-სა და Brown-ის შემთხვევაში იყო.
| 
