† ნაწილი 2
†
 

ტელევიზორი
ალექსის სანდერსს კოლეჯი ახალი დამთავრებული ჰქონდა. გადაწყვიტა ცოტა ფული ეშოვნა. განცხადება გამოაქვეყნა, რომ იგი მოუვლიდა სახლებს პატრონის დაბრუნებამდე. ალექსისს მალევე გამოეხმაურნენ. იგი როი თაუსონმა დაიქირავა. ის და მისი მეუღლე მედლინ თაუსონი ინგლისში მიემგზავრებოდნენ.
დიდი და მდიდრული სახლი იყო. ალექსისის პირველი ღამე იყო ამ სახლში. 15 ოთახი იყო. გარეთ წვიმდა, საღამო იყო. ალექსისმა თავის მეგობარს დაურეკა, სთხოვა მასთან ერთად დარჩენილიყო ამ უზარმაზარ სახლში. ტელეფონზე რომ ლაპრაკობდა, ტელევიზორში დაინახა სარდაფი, სადაც კაცი ცემენტს ზელდა. ალექსისს გაუკვირდა, რატომ შეწყდა გადაცემა და ეს უცნაური კადრი გაჩნდა. სხვა არხზე გადართო. რამდენიმე წუთში ეკრანზე კვლავ გაჩნდა კადრი, როგორ ზელს ცემენტს კაცი. ალექსისს არ სურდა ამ ხმის მოსმენა, ცდილობდა სხვა არხზე გადაერთო, მაგრამ ყველგან ერთი და იგივე. მხოლოდ ეს კადრი ჩნდებოდა. ალექსისმა გადაწყვიტა საერთოდ გამოერთო ტელევიზორი, მაგრამ პულტი გაფუჭდა. მხოლოდ ტელევიზორის სადენის გამოერთების შემდეგ ჩაქრა ეკრანი. მაგრამ ყველაზე უცნაური ის იყო, რომ ტელევიზორის გამორთვის მიუხედავად, ალექსისს კვლავ ესმოდა ეს საშინელი ხმა, როგორ ზელდა ცემენტს ვიღაც. ზუსტად ისე, როგორც იმ კადრში. ალექსისი ხმას გაჰყვა. ეს ხმა სარდაფიდან ამოდიოდა. დიდი დანა აიღო და ისე შეაღო სარდაფის კარი. ნელა ჩადიოდა ბნელ კიბეებზე, უცებ რაღაცას წამოკრა ფეხი და კიბეებზე ჩაგორდა. ალექსისი რომ წამოდგა და შუქი აანთო, დაინახა ჩართული ვიდეო კამერა, კამერაშიც ის კადრი გადიოდა. გოგონამ მიმოიხედა, მიხვდა რომ ეს ის ადგილი იყო, რომელიც კამერაში ჩანდა. რაღაც ყრუ ხმა მოესმა ალექსისს. მიუახლოვდა სეიფს, რომელიც ჩაცემენტებული იყო კედელზე. გასაღები გადაწია, გამოაღო. ქალი იყო. ღრმად ამოისუნთქა. ალექსის უთხრა, რომ ის იყო მედლინ თაუსონი, რომ მისმა ქმარმა ცოცხლად ჩააცემენტა. ალექსისმა პოლიცია გამოიძახა. როი თაუსონი დააპატიმრეს. თუმცა გაუგებარია დღემდე, კამერით გადაღებული კადრი როგორ გაჩნდა ტელევიზორის ეკრანზე, ან თავისით როგორ ჩაირთო კამერა.
როგორ მოიქცეოდით თქვენ ანალოგიურ სიტუაციაში? მიყვებოდით ხმას სარდაფამდე, შეეცდებოდით ბოლომდე გაგეგოთ რა ხდება? თუ შეშინებულები რომელიმე ოთახში დაიმალებოდით, ან იქნებ სულ გაქცეულიყავით სახლიდან ?!

თოჯინა
ეს ჩემი პირველი დღე იყო მასწავლებლად, დაწყებითი კლასების მასწავლებელი ვიყავი. ძალიან ვნერვიულობდი, თუმცა გაკვეთილებმა კარგად ჩაიარა, მგონი ბავშვებსაც მოვეწონე, მეც აღფრთოვანებული ვიყავი. გაკვეთილები რომ დამთავრდა ბავშვებს სათითაოდ ვაცილებდი კლასიდან. ბოლოს ერთი პატარა გოგონა დარჩა კლასში. მას ეშლი ერქვა, ვუთხარი წასვლის დროა–მეთქი და ჩავეხუტე. ეშლიმ მითხრა, შენ ჩემი თოჯინა გაქვს და დამიბრუნეო. ყავისფერი თვალები აქვს და გრძელი თმა, ხვალ მომიტანე აუცილებლადო. გამიკვირდა, რომ პატარა ასე დაჟინებით ამბობდა ჩემი თოჯინა გაქვსო. დავპირდი მოგიტან–მეთქი და კლასიდან გავუშვი.
სახლში რომ მივედი გახარებული ვიყავი, თუმცა თავიდან არ ამომდიოდა პატარა ეშლი. გადავწყვიტე ჩემი თოჯინები მენახა. სხვენზე ავედი და ყუთი გავხსენი, სადაც უკვე დიდი ხანია ჩემი თოჯინები მქონდა ჩაწყობილი. თოჯინებს რომ ვათვალიერებდი, ერთი თოჯინა ვნახე ყავისფერი თვალებით და გრძელი თმით. ზუსტად ისეთი როგორიც ეშლიმ აღმიწერა. დედას ვკითხე, საიდან მყავდა ეს თოჯინა. დედამ მითხრა, რომ ეს თოჯინა ჩემი და ჩემი საუკეთესო მეგობრის, ეშლის საყვარელი თოჯინა იყო. მე და ეშლი სულ ერთად ვთამაშობდით ამ თოჯინით. სულ ერთად ვიყავით, მაგრამ მერე უბედური შემთხვევა მოხდა და ეშლი გარდაიცვალა. მას შემდეგ მე აღარ ვთამაშობდი ამ თოჯინით და ეშლიც აღარასდროს მიხსენებია, თითქოს ჩემს მეხსიერებაში საერთოდ გაქრა მოგონებები ჩემს საუკეთესო მეგობარზე. დედამაც გადაწყვიტა აღარ ეხსენებინა ეს უბედური შემთხვევა და ამ დრომდე არასდროს ულაპარაკია. მე ყველაფერი გამახსენდა.
მეორე დღეს თოჯინა სკოლაში წავიღე. დილით კლასში ჯერ კიდევ მარტო ვიყავი, როცა ეშლი შემოვიდა, თოჯინა რომ დაინახა გამოიქცა, ჩაიხუტა. აი ამაზე ვამბობდიო მითხრა. რა იცი რომ ზუსტად ეს თოჯინაა, ყავისფერთვალებიანი და გრძელთმიანი ბევრი თოჯინაა, ვუთხარი ეშლის. სუზან აღარ გახსოვს?– მითხრა ეშლიმ, თოჯინას კაბა გადაუწია და მის გულზე დახატული გული მაჩვენა.გამახსენდა რომ მე და ეშლიმ დავახატეთ ეს გული ჩვენს თოჯინას. ძალიან გამიკვირდა, საიდან უნდა სცოდნოდა პატარა ეშლის ამ გულის შესახებ..?

შემთხვევა სასაფლაოზე
კოლეჯის ორმა სტუდენტმა გოგონამ გადაწყვიტა სასაფლაოზე წასულიყვნენ სამეცადინოდ. ერთი მათგანი საყვედურობდა მეგობარს, რატომ შეარჩია ასეთი უცნაური და საშიში ადგილი.
დღე იყო, გოგონები სასაფლაოზე რომ მივიდნენ, მწვანე ბალახზე შლიდნენ თავიანთ ნივთებს, როდესაც სროლის ხმა შემოესმათ. გოგონებმა დაინახეს კაცი, რომელსაც ხელში იარაღი ეჭირა და მათკენ მორბოდა. გოგონები საფლავის უკან დაიმალნენ. დამნაშვე რომ გაიქცა, გადაწყვიტეს ენახათ რა მოხდა და იმ მიმართულებით გაიქცნენ, საიდანაც მკვლელი მორბოდა. გოგონებმა ნახეს მამაკაცი, რომელიც მიწაზე ეგდო, დაჭრილი იყო, სულ ღაფავდა, გოგონები რომ დაინახა თქვა: პოლიციას უთხარით, რომ როი ფენესი მოკლა როჯერ ფლეტჩერმა, ეს ორჯერ გაიმეორა და გარდაიცვალა. შეშინებული გოგონები პოლიციის გამოსაძახებლად გაიქცნენ.
პოლიციამ მთელი სასაფლაო შეამოწმა, მაგრამ გვამი არ აღმოუჩენიათ, სისხლის კვალიც კი არსად იყო. გოგონები დაჟინებით ამტკიცებდნენ, რომ ნახეს იარაღიანი კაცი და დაჭრილი მამაკაცი, რომელმაც თქვა როი ფენესი მოკლა როჯერ ფლეტჩერმა. პოლიციელმა უცნაურად შეხედა გოგონებს, ბოლოს კი შეატყობინა, რომ როი ფენესი ორი წლის წინ მოკლეს ამ სასაფლაოზე და რომ მისი მკვლელი ჯერაც არ დაუჭრიათ. პოლიციის მანქანამ მოიყვანა პატიმარი, რომელიც მაშინვე ამოიცნეს გოგონებმა. ეს იყო ის იარაღიანი კაცი, ანუ როჯერ ფლეტჩერი. რომელიც რამდენიმე საათის წინ ნახეს სასაფლაოზე. პოლიციელი კვლავ გაკვირვებული იყო, მან თქვა რომ ფლეტჩერი რადენიმე დღის წინ დააკავეს ქურდობისთვის და რამდენიმე საათის წინ პოლიციის განყოფილებაში იმყოფებოდა.
შემდგომი გამოძიების და გოგონების ჩვენების საფუძველზე დაადგინეს, რომ როი ფენესი, მართლაც როჯერ ფლეტჩერმა მოკლა, მაგრამ გაურკვეველი დარჩა, როგორ შეესწრნენ გოგონები ფაქტს, რომელიც ორი წლის წინ მოხდა.