რატომ უსმენს David Beckham-ი Justin Bieber-ს?! - 25 მაისში 2013

David Beckham-ი თანაგუნდელმა, Zlatan Ibrahimović-მა შეარცხივნა. ფეხბურთელის განცხადებით, კოლეგისგან მსგავსს არაფერს არ ელოდა და კინაღამ გულის შეტევა მოუვიდა, როდესაც Beckham-ის პირად ნივთებში ჩაიჭყიტა. ქალბატონებისათვის დღემდე საოცნებო David Beckham-ი, ყველაზე სიმპათიურ და გემოვნებიან სპორტსმენად აღიარებული ბრიტანელი სტარი, თუმცა, არც ისე გემოვნებიანია, როგორიც ერთი შეხედვით ჩანს - საიდუმლო კი ბექსის თანაგუნდელმა პარი სენ ჯერმენიდან, Zlatan Ibrahimović-მა გასცა.

Zlatan-ი თურმე გასახდელში David -ის აიპოდში იქექებოდა. ყველასათვის კარგაა ცნობილი, რომ ფეხბურთელი Jay-Z-ის, Bob Marley-ს, U2-სა და Eminem-ის ფანია, თუმცა, სულ სხვა რამეზე მეტყველებს მისი ფლეიერი - ”აიპოდი Justin Bieber-ის, Selena Gomez-ისა და One Direction-ის სიმღერებით იყო სავსე" - ყვებაIbrahimović -ი.

მოკლედ, ბექსის კოლეგებს შეუძლიათ მშვიდად ამოისუნთქონ, David-ი არც ისეთი იდეალურია, როგორიც ერთი შეხედვით ჩანს... გარდა ამისა, მის გემოვნებაში არსებული დიდი გარღვევაც აშკარად შესამჩნევია - თორემ, Bieber-ი და One Direction-ი უფრო მისი შვილების ასაკის ბავშვებისთვის განკუთვნილი მუსიკაა.

David Beckham-ს თავი ჯერ არ უმართლებია და არც კოლეგის განცხადებას გამოხმაურებია - საეჭვოა, Zlatan-ის კომენტარებმა ფეხბურთელებს შორის ურთიერთობა გააფუჭოს, თუმცა, საინტერესოა, რას იტყვის თავად ბექსი - შეიძლება Gomez-ი და მისთანანი თავის უფროს შვილებს გადააბრალოს, ანდა სულაც განაცხადოს, სახლიდან სრულიად შემხვევით ჩემი ბიჭის აიპოდი გამომყოლია.

Bieber-ის მოსმენა David Beckham-ისთვის დიდი ვერაფერი ხეირია, თუმცა, Justin-ს შეუძლია იამაყოს რომ მისი რამდენიმე სიმღერა თვის David Beckham-ის აიპოდში მოხვდა.