დღეს ჩინურმა კომპანია Lenovo-მ წარმოადგინა სმარტფონი LePhone S2, რომელიც გათვლილია WCDMA მობილურ ქსელებში გამოსაყენებლად. კომპიუტერში გამოყენებულია Qualcomm-ის 1,4-გიგაჰერციანი პროცესორი MSM8255 (Snapdragon-ის ხაზიდან); ოპ. სისტემა არის Android 2.3.4. სენსორული დისპლეის დიაგონალია 3,8 დიუმი; მისი გარჩევადობაა — 480×800 წერტილი.
LePhone S2 შემოთავაზებული იქნება ორი მოდიფიკაციით: ერთს აქვს 512 მბ ოპერატიული მეხსიერება და ფლეშ-მეხსიერება მოცულობით 8გბ; მეორეს აქვს 1 გბ RAM და 16გბ ფლეშ-მოდული. მეხსიერების გაფართოება არ არის შესაძლებელი SD-ბარათის მეშვეობით. კორპუსის უკანა მხარეს განთავსებულია 8-მეგაპიქსელიანი კამერა, რომელსაც აქვს 720р ფორმატში ვიდეოს ჩაწერის საშუალება. კვებას უზრუნველყოფს აკუმულატორული ელემენტი მოცულობით 1 500 მა/სთ. სმარტფონის სისქე შეადგენს 10,9 მმ-ს; ხოლო წონა — 120 გ-მდე. LePhone S2 ღირებულება და გამოსვლის თარიღი ჯერჯერობით ცნობილი არ არის.
