შეხვედრაში ერთადერთი გოლის ავტორი დამატებით დროში, მარიო გიოტცე გახდა, რომელმაც ბუნდესტიმი 113-ე წუთზე წინ გაიყვანა. გერმანელებმა მსოფლიო ჩემპიონატზე მე-4 წარმატებას მიაღწიეს! 24 წლის შემდეგ ისტორია განმეორდა - გერმანია უკვე მეოთხედ, მსოფლიო ჩემპიონია. მსოფლიო ჩემპიონის ტიტულთან ერთად, თანაც ბუნდესნაკრები მუნდიალების ისტორიაში პირველი ევროპული გუნდი გახდა, რომელმაც ამერიკის კონტინენტზე შეძლო გამარჯვების მოპოვება.

 

 

მატჩს ოფიციალური ინფორმაციით 74738 ადამიანი ესწრებოდა. მისი დასრულების შემდეგ დამარცხებულ ნაკრებს ვერცხლის მედლები გადასცეს. მათ ასაღებად გამართული არგენტინელებისთვის გერმანელმა ფეხუბრთელებმა კორიდორი გააკეთეს რასაც სტადიონი ოვაციებით შეხვდა.მატჩის გმირად მარიო გიოტცე დასახელდა, ხოლო ტურნირის საუკეთესო მოთამაშედ "ბარსელონას" ვარსკვლავი - ლიონელ მესი, რომელმაც გარდა იმისა, რომ ჩემპიონატზე 4 გოლი გაიტანა, უდიდესი წვლილი შეიტანა ნაკრების ფინალურ სტადიამდე მიყვანაში.