ჯასტინ ბიბერმა ჟურნალ Detail_ს მისცა ინტერვიუ, რომელშიც ფანებთან ურთიერთობაზე, შეყვარებულ გოგონებზე და თავის კარიერაზე საუბრობს. გთავაზობთ ამ ინტერვიუს.
– ჯასტინ, მილიონობით გოგონას თაყვანისცემის ობიექტი ხარ, სიმართლე გივითხარი, შეყვარებული გყავს? – მყავდა, როცა 13 წლის ვიყავი. ჩვენ ერთ თვეში დავშორდით. ეს მტკივნეული პროცესი იყო, მაგრამ ერთ–ორ დღეში მოვერიე. ამჟამად ნამდვილად არ ვარ შეყვარებული. ერთადერთი, ვინც ახლა მიყვარს, ბიონსეა – რა თქმა უნდა, ვხუმრობ! ალბათ, იცით, რომ ბავშვობიდან მასვე ვაფანატებ. – რა ასაკისაა შენი ყველაზე პატარა და ყველაზე დიდი ფანი? – ძირითადად 14-15 წლის გოგონებს მოვწონვარ, ჩემი ყველაზე ასაკოვანი ფანი კი დედაჩემია, ის 35 წლისაა. – რა სიგიჟეებს ჩადიან ყველაზე თავზეხელახებული ფანები? – ერთხელ სიეტლში ერთი გოგონა მომვარდა, მომეკრა და აღარ მშორდებოდა. მართლა აგრესიულად მოქმედებდა. ეს ნამდვილად სიგიჟე იყო. ზოგიერთი თანსაცმელსაც იძრობს და ისე ცდილობს ყურადღების მიპყრობას. ასეთებზე ვფიქრობ, რომ უბრალოდ, მაიმუნობენ. – როგორ ფიქრობ, როგორი მსმენელისთვის არის განკუთვნილი შენი შემოქმედება? – მინდა ისეთი სიმღერები შევასრულო, რომლებიც ყველა თაობას მოეწონება. იმას ვგულისხმობ, რომ სიყვარულზეც მაქვს სიმღერები და ყოველდღიურ ცხოვრებაზეც. ისეთ საკითხებზე რაც ყველას აწუხებს. როცა ჩემი მშობლები დაშორდნენ, ძალიან პატარა ვიყავი. ძალიან გამიჭირდა ამ სტრესის გადატანა. ამ ფაქტს მივუძღვენი ერთი სიმღერა. მინდა ხანგრძლივი კარიერა მქონდეს და არა ერთი ჰიტი. – სანამ აშერთან დადებდი კონტრაქტს, ჯასტინ ტიმბერლეიკთან გქონდა მოლაპარაკება. მართალია? – კი. ჯასტინმა და მისმა შეყვარებულმა ჯესიკა ბიელმა სახში დამპტიჟეეს. ჩვენ ერთად ვუყურებდით კალათბურთის ჩემპიონატს.ტიმბერლეიკს ხშირად მადარებენ და ეს მომწონს კიდეც. – თმის ვარცხნილობას დიდ დროს უთმობ? – სულაც არა. დილით ვიბან, ფენით ვიშრობ, შემდეგ კარგად ვიჩეჩავ და დღის განმავლობაში ისევ ვიჩეჩავ.
