Yahoo ამერიკული ღია სააქციო საზოგადოებრივი კორპორაცია და ინტერნეტ-სერვის პროვაიდერია. მისი მომსახურების არეალი მრავალ სფეროს წვდება, მათ შორისაა, ვებ პორტალი,საძიებო სისტემა, Yahoo! დირექტორია, Yahoo! ფოსტა, ახალი ამბები, და ჰოსტინგი. ის დაარსებულ იქნა სტენფორდის უნივერსიტეტის კურსდამთავრებულების ჯერი იანგის და დევიდ ფილოს მიერ 1994 წლის იანვარში და კორპორაციად ჩამოყალიბებულ იქნა 1995 წლის 2 მარტს. კომპანიის სათაო ოფისი განლაგებულია სანივეილში, კალიფორნია.
ჯერი იანგმა კომპანია დევიდ ფაილოსთან ერთად 1994 წელს, სტენფორდის უნივერსიტეტის ასპირანტურაში სწავლის პერიოდში დააარსა. ამჟამად კომპანია ფლობს პოპულარულ საძიებო სისტემას და მომხმარებელს ინტერნეტ-სერვისების ფართო სპექტრს სთავაზობს, რომლითაც 500 მილიონზე მეტი ადამიანი სარგებლობს. 2011 წლის მესამე კვარტალში Yahoo!-ს სუფთა მოგებამ 298 მილიონი დოლარი შეადგინა, რაც ერთი წლით ადრე დაფიქსირებულ მაჩვენებელს 25%-ით ჩამორჩება.
