შენ. დაუვიწყარ დედამიწაზე გაჩენილო. არასიმეტრიულად შემოხაზულო წერტილო, მეამიტურად დავარცხნილო და არაამქვეყნიურად დაპნეულო…მიყვარხარ.
შენ ხარ ჩემში მეტაბოლიზმებზე მეტი. მინდა ფრანგულად გადმოგცე ჩემი გრძნობები და მინდა გაგიღვივო სულში სისხლის ოდენობა. მინდა თითი გადაგიხსნა და შიგ მონატრება ჩაგიჭეჭყო. მინდა აანალიზებდე იმას,რომ როცა თითი აგტკივდება ეს ნიშნავს იმას, რომ მონატრება შეგაწუხებს. მე შენ მიყვარხარ. მინდა ზღვაზე ღამის 2 საათზე დაუკრა სიმფონია და მინდა გახშირებულად იგრძნო ჰაერის ტკივილი.
ჰაერი ვეღარ იტევს ამდენ ადამიანს, იცი ? ამდენ პროფესიონალ მკვლელებს, პოტენციურ ბოზებს, პესიმისტ ბავშვებს და ორიგინალურ მხატვრებს. მინდა წერო. სიტყვებს ყურადღება არ მიაქციო. ასოები წერე. სურვილი მაქვს სახელი გადაგარქვა და ოცნებად აღმიქვა.
დღეს, უკვე ყველაფერი დამთავრდა. ის გრძნობს. ის ელის წასვლის დროს. მე–ვწერ. ავად ვარ. სიცარიელეს ვებრძვი. ვერ ვაჩერებ დროს, ვერ ვერევი. მაჩერებენ მე. მაჩერებენ მაშინ,როცა ვხედავ როგორ ამოდის მზე როცა წვიმს. როგორ დაჟინებით უნდა გაქცევა მთვარეს. მელაპარაკე. მის სახლთან ვარ და ვიმალები, რომ არ დამინახოს. ვუყურებ და მგონი დედამიწა მთავრდება ერთი გაფრენიდან–მეორემდე. ჩასვლამდე და უსახლკარობამდე. მერე ტკივილამდე და ისევ ვსვავ ყავას..
გათოშილი ხელით მოგიტან გაჩერებულ დროს სტი, გეფიცები. სარკესთან ვდგავარ და ვცდილობ როგორმე დაგემსგავსო. ჩემთვის აუცილებელო. მტკივა და ვწერ. ვწერ ფანჯრებზე,კედლებზე და შენზე. დაგჯღაბნე. რა ამაზრზენი ვარ. სტი, თბილად ჩაიცვი, არ მინდა შეგცივდეს.. ჩაი დალიე დღეში 6–ჯერ მაინც. არ იტირო რა. ის გახსოვს სულ პირველად,რომ მითხარი ჩემი მზე ხარო სტი.. მინდა დიდ ოთახში გამოგკეტო, ამოგალპო, სიშავეში გაგაფერადო და დავთვალო შენი ნეკნების რაოდენობა… როცა ვხვდები,რომ მე საოცრად ფანტასტიური სურვილები მაქვს– დროს ვიკლავ. ასე მალე გადის სიცოცხლე. ******** ვკვდები. ვკვდები ხელოვნების ნიმუშებით, წამლებით, გამოკვეთილი აზრებით და ნდობით. მე და შენ ერთად ვცხოვრობთ.
აქ. მე და შენ. უკვე წასულხარ. ისტერიკულად და ტრაგიკულად დაგცინი. თავისებურად მეცოდები. მებრალება შენი ყველანაირი გრძნობა და დღეს მე გტოვებ. ოღონდ უფრო ჩუმად,ვიდრე შენ. საკუთარი მეს შეცნობა დაგაძალე. ანუ ახლა, უკვე იცი ვინ ხარ და ადამიანი გაგხადე. აი მე, მე ფსიხაპატკა ვარ სტი. არაორდინალური მე. მე მე.. თბილიმე.
