საფრანგეთის მომხმარებელთა ეროვნული ინსტიტუტის მეცნიერებმა დაადგინეს, რომ "კოკა-კოლა" და "პეპსი" ალკოჰოლის მცირე დოზას შეიცავს. მეცნიერებმა ტესტირება ჩაატარეს და "კოკას" პროდუქციაში ალკოჰოლის კვალი აღმოაჩინეს. ისინი აცხადებენ, რომ ალკოჰოლის დოზა დაბალია, 10 მილიგრამი ყოველ ლიტრში, რაც ალკოჰოლის დაახლოებით 0.001%-ს წარმოადგენს. ტესტირებისთვის 19 "კოლა" შეირჩა, მათგან მხოლოდ 9 არ შეიცავდა ალკოჰოლს. დანარჩენი ათი, რომელშიც ალკოჰოლის მცირე დოზა აღმოჩნდა, არის - "კოკა-კოლა" (Coca-Cola), "პეპსი კოლა" (Pepsi Cola), "კოკა-კოლა კლასიკ ლაითი" (Coca-Cola Classic Light) და "კოკა ზირო" (Coke Zero) და სხვა.
"შესაძლებელია, ალკოჰოლის კვალი "კოკა-კოლას" შექმნის საიდუმლო რეცეპტის პროცესიდან მოდის. დაჟინებით ვამტკიცებ, რომ "კოკა-კოლას" სასმელები დამამშვიდებელად მოქმედებს", - განმარტა "კოკა-კოლას" საფრანგეთის სამეცნიერო განყოფილების დირექტორმა მიშელ პეპინმა. "პეპსის" წარმომადგენლებმა განაცხადეს, რომ ზოგიერთ გამაგრილებელ სასმელში, შესაძლოა, ალკოჰოლის კვალი იყოს, თუმცა, "პეპსი კოლას" რეცეპტი ალკოჰოლს არ შეიცავს. ორივე ლიდერი კომპანიის წარმომადგენლები ამბობენ, რომ ბუნებრივ ხილს შეუძლია გამოყოს ფერმენტი, რომელიც ალკოჰოლის მცირე დოზის არსებობას შეუწყობს ხელს. ამ ინფორმაციამ ათასობით მუსულმანი ააღელვა - მათი რელიგიური სწავლება ალკოჰოლური სასმელის მიღებას კრძალავს, თუმცა "კოკას" რეგულარულად სვამენ. ამ ფაქტმა მხოლოდ მუსულმანი საზოგადოება არ გააღიზიანა, იმედგაცრუებულნი დარჩნენ ისინიც, ვინც ამ ბრენდის სასმელს მაშინაც კი სვამს, როდესაც საჭესთან ზის.