გაიჯახუნე კარი და გავარდი.
სახეში შეაფურთხე ისე, რომ მთელი შენი ბოღმა ნერწყვებში ჩატიო და მათმა კანმა შეიხოცოს.
ნუღარ ამეცადინებ სახეს გამომეტყველებებზე- ნასიამოვნები და თბილი ემოცია ეხატოთ.
ჩალეწე ბევრი მინა.
გადაირბინე იმდენ წითელზე ვიდრე ყველა ქუჩას სიგნალები არ გააყრუებს, გაბმული, მაგინებელი სიგნალები, შენსკენ მომართული.
გატოპე ყველა წუმპე.
გადაჯღაბნე ყველა შენი სკოლისდროინდელი საშინაო დავალების რვეული, შესრულებული დავალება და მიღებული ნიშნები-არაფერი გისწავლია მათგან მაინც.
ქვა ესროლე ყველა ტროტუარზე მდგარ მანქანას.
უყვირე ყველა მათხოვარ ბაშვშვს მთელი ხმით:”გაიქეცი! თავს უშველე! გიყენებენ! მეურვეების იარაღი ხარ!”
აგინე ყველა ღიპიანს და ეძახე ღორი, დამპალი, გაუმაძღარი არსება. უთხარი, როგორ ვერ იტან მათ.
მივარდი და თმით ითრიე ბანკის წარმოსადეგი, კარგად აღზრდილი, ჰარვარდდამთავრებული, ტანადი, დამაკიაჟებულ, ნაპლასტიკუროპერაციები, დაფიტნესებულ, დამასაჟებული გოგო, ყოველდღიურად ბანკში ჩადებულ ათობით სახლს რომ ართმევს უმუშევრებს, ყიდის და დაყენებული, მშვიდი ხმით ატყობინებს მათ, რომ ამიერიდან ჭერი და კედლები, რომელსაც თავის თბილ კერას უწოდებდნენ და ეიმედებოდათ- აღარ ექნებათ.
კეფაში ესროლე ტყვია ყველა მოზარდს, ვინც სხვას დასცინის, ჩაგრავს და გეხუმრებიო თავს იმართლებს მაშინ, როცა ჩაგრულის დახმარება სჭირდება. იქვე დახვრიტე ჩაგრულიც, ოღონდ ჯერ ის აჩვენე მჩაგვრელი როგორ მოკვდა. არცერთი დაინდო, რადგან არასოდეს შეიცვლებიან.
არაფერი გააკეთო სხვების დასაცავად, მრავალი მხრიდან მოწინააღმდეგეებს გაიჩენ, მათაც კი, ვისაც იცავ. უარყავი ყველა, ვინც მსგავსი გთხოვა.
წაშალე სიტყვები- ტკივილი, წვა, დარდი, სიყვარული,ეჭვი, მონატრება,მორალი, პატიოსნება და მისთანანი, ყველა სიტყვა, რაც კი გაღიზიანებს, ან გიზიდავს. რადგან შესატყვისი, მხოლოდ ისეთ რამეს აქვს, რაც ბუნებაში არსებობს. მერე ცარიელი, უამსიტყვებო გონებით იარე და შენ მოუფიქრე დასახელება ყოველ ემოციას, აბსტრაქციას, ნამოქმედარს თუ საგანს.
მოსპე, ყველა და ყველაფერი, თუ საჭიროა დაწვი, სანაგვეზე გადაყარე, მიანგრ-მოანგრიე, რაც დაგხვდა შენს ცხოვრებაში ან თავისით მოვიდა, შენი შრომისა და მონდომების გარეშე, რადგან ის ყველაფერი უბრალოდ ქარია და აუცილებლად წავა მაინც.
წადი, კარი გაიჯახუნე, გავარდი იქ, სადაც არავი გელოდება. სხვა სისავსეში, რომელიც იმდენად უცხოა რომ ცარიელი გეჩვენება. შეაბიჯე იმ სიცარიელეში, რომელიც ერთდროულად მიგიზიდავს და განგიზიდავს. ყველა დარჩენილი ენერგიით, შეაბიჯე სიცარიელეში და დამშვიდდი.
|
