ცნობილ მომღერალს, მსახიობსა და პროდიუსერს, ჯასტინ ტიმბერლეიკს ცოლი მოჰყავს. 30 წლის ვარსკვლავმა მსახიობ ჯესიკა ბილს ხელი წინასაახალწლო რომანტიკული მოგზაურობისას, ვაიომინგის შტატის ერთ-ერთ კურორტზე სთხოვა. პირველად ეს ინფორმაცია საიუვილერო კომპანი Tayloe Piggott Jewelry-მ დაადასტურა. მისი წარმომადგენლების განცხადებით, ჯასტინმა ნიშნობის ბეჭედი სწორედ მათგან შეიძინა. ჯასტინი და ჯესიკა ერთად 2007 წლიდან არიან. ისინი რამდენიმე თვე ერთმანეთს დაშორდნენ, თუმცა 4 ივლისს შემთხვევით შეხვდნენ ერთმანეთს და მათი ურთიერთობაც განახლდა.
