მთავარი » 2012 » იანვარი » 18 » ირანში "ბარბის" გაყიდვა აკრძალეს, ჩადრიანი ”სარა” კი ცუდად იყიდება
0:04 AM
ირანში "ბარბის" გაყიდვა აკრძალეს, ჩადრიანი ”სარა” კი ცუდად იყიდება
ირანის პოლიციამ ქვეყანაში თოჯინა ბარბის გაყიდვა აკრძალა. ამის შესახებ თეირანის თოჯინების მაღაზიათა მფლობელები იუწყებიან. პოლიციამ მათ ამერიკული კომპანია Mattel-ის წარმოების პოპულარული თოჯინის, ბარბის გაყიდვიდან ამოღება მოსთხოვა. "ბარბის" გაყიდვის აკრძალვა პოლიტიკის ნაწილია, რომელსაც ადგილობრივი ხელისუფლება დასავლური კულტურის ”დამღუპველი გავლენის” წინააღმდეგ ომს უწოდებს. ბარბი ისლამური კულტურისთვის შეუსაბამოდ ჯერ კიდევ 1996 წელს გამოაცხადეს, თუმცა დღემდე ამ თოჯინების გაყიდვა არ აუკრძალავთ.
2002 წელს Mattel-ის პროდუქციაზე მოთხოვნის შესამცირებლად, ირანში თოჯინები სარა და დარა გამოუშვეს. ამასთან, სარა ისლამური ტრადიციების შესაბამისად იყო შექმნილი - თოჯინას ტანისამოსი სხეულს მთლიანად უფარავდა, თავზე კი თავსაფარი ეკეთა. გამყიდველები აღნიშნავენ, რომ ეს თოჯინები ირანელებს შორის პოპულარობით არ სარგებლობდა. დასავლური კულტურის წინააღმდეგ ბრძოლა ირანში ისლამური რევოლუციის შემდეგ - 1979 წელს დაიწყო. იმ დროიდან ქვეყანაში უცხოურ მუსიკასა და თანამგზავრულ ტელევიზიაზე აკრძალვა ვრცელდება.
კატეგორია:♥ სხვა | ნანახია:708 | დაამატა:belieberi | რეიტინგი:5.0/2
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს [ რეგისტრაცია | შესვლა ]